Արիս Արսենի ԳՐԻԳՈՐՅԱՆ
Ծնվել է 1959-ի հունիսի 10-ին, Արցախի Մարտակերտի շրջանի Կոճողոտ գյուղում։ Ավարտել է Ստեփանակերտի պետական մանկավարժական ինստիտուտի բանասիրական ֆակուլտետը, ծառայել Խորհրդային բանակում։ Աշխատել է որպես Ստեփանակերտի քաղաքային տպարանի գրաշար (1983), Արցախի հեռուստատեսության թղթակից (1988-90, 1996), ՙԱրցախ՚ գրական-գեղարվեստական, հասարակա-կան-քաղաքական հանդեսի ավագ խմբագիր (1990-93)։ Արցախյան ազգային ազատագրական շարժման ընդհատակյա պաքարի մասնակիցներից է, 1990-91-ին Դավիթ Ջրաբերդ կուսակցական ծածկանունով խմբագրել է ՙՊայքար՚ (ընդհատակյա) հասարակական-քաղաքական, մշակութային պարբերականը։ 1993-ի սեպտեմբերի 24-ից ԼՂՀ Պաշտպանության բանակի շարքերում է, եղել է Կենտրոնական պաշտպանական շրջանի (ԿՊՇ) երկրորդ հրաձգային գումարտակի վաշտի հրամանատարի տեղակալ, մասնակցել է մի շարք ռազմագործողությունների ու պաշտպանական մարտերի։ 1995-ի հուլիսի 1-ից զինվորական ծառայությունը շարունակել է բանակային ՙՄարտիկ՚ թերթի խմբագրությունում՝ որպես զինվորական լրագրող։ 2009-ի օգոստոսի 1-ից, կապիտանի զինվորական կոչումով, ուղարկվել է պահեստազոր։
Հրատարակված 16 գրքերի (չափածո և արձակ) հեղինակ է, ԼՂՀ կառավարության Եղիշեի անվան ամենամյա մրցանակի դափնեկիր։
Հայաստանի գրողների միության անդամ է։